مساحة إعلانية
مساحة إعلانية
اعمل عن قلبى تحريات
تلقاك مسجل فيه خطر
وبفحص كل المعلومات
والإثباتات أنت السبب
علشان قدر
جبت الشهود تنفى الغرام
وتبرأه من دى التهم
ألقى الدفاع عَنٌك حضر
طب ايه حصل
الروح خلاص وسكنتها
اسرارى لك سلمتها
والوحدة جوة وحدتى ونستها
والعقل تاه منى وسها
ولحظه سلامك بالعيون
قلبى ارتعش
ما تقولش جنى ومسها
ثارت النيابه بمكرها
تلهى الشهود
عن كل حاجة وعكسها
جابت ردود
قام الدفاع طلب الكلام
واحتج على كل اللى كان
دا موكلى لسه وحيد
وغرامه دا
شىء مش اكيد
وأطلب عدالة المحكمة
تبريئه من كل التهم
لحين حضور شهود عيان
وحضور حبيبه المتهم
القاضى قال:
لسه القضية مكملة
والجلسة مش مستعجلة
لحين صدور حكم القدر
قلت فى بالى: ياخبر
يا ادى المرار اللى اتفرش
القاضى دا لو نفتشه
مصنوع قليبه من الحجر
صبرا حبيبى المنتظر
***
من ديوان فوبيا غرام
مساحة إعلانية
مساحة إعلانية
